FréttirSkrá á póstlista

15.10.2008

Góðir gestir í heimsókn á Norðurgarði

Góðir gestir heimsóttu fiskiðjuver HB Granda nú í byrjun vikunnar. Forseti Íslands var þar í vinnustaðaheimsókn, eins og greint hefur verið frá hér á vefnum, og svo skemmtilega vildi til að á sama tíma var hópur nemenda og leiðbeinenda úr Öskjuhlíðarskóla í heimsókn í tengslum við samfélagsverkefni sem unnið er að í skólanum.

Að sögn Ólafar Sigurðardóttur, sem sá um að taka á móti hópnum, voru það 12 nemendur í 4. og 5. bekk Öskjuhlíðarskóla og 10 leiðbeinendur sem sóttu Norðurgarð heim þennan morgun.

,,Börnin eru að læra um hafið og sú hugmynd kom upp að fá að koma í heimsókn til HB Granda. Þetta var ákveðið með skömmum fyrirvara og börnin fengu að skoða ýmsar fisktegundir. Þau gátu einnig fylgst með vinnslunni án þess að fara inn í sjálfan vinnslusalinn. Hápunktur heimsóknarinnar var annars sá að börnin fengu að hitta forsetann og ég veit að það gladdi þau mikið,“ segir Ólöf Sigurðardóttir.

Nýjustu fréttir

31.12.2018

Gleðilegt ár

24.12.2018

Gleðileg jól

Allar fréttir