FréttirSkrá á póstlista

02.11.2017

Reynslusigling Viðeyjar RE tókst vel

Helsti búnaður nýja ísfisktogarans, Viðeyjar RE, var prófaður í reynslusiglingu í Tyrklandi í gær og fyrradag og uppfyllti hann öll helstu skilyrði sem gerð eru við slíkar aðstæður.

Viðey er systurskip ísfisktogaranna Engeyjar RE og Akureyjar RE, sem einnig voru smíðaðir hjá Céliktrans skipasmíðastöðinni í Tyrklandi og hafa verið afhentir HB Granda. Með í reynslusiglingunni nú voru þeir Jóhannes Eiríksson, skipstjóri á Ottó N. Þorlákssyni RE, sem verða mun skipstjóri á Viðey, Birkir Hrannar Hjálmarsson, útgerðarstjóri ísfisktogara HB Granda, og Þórarinn Sigurbjörnsson sem haft hefur eftirlit með nýsmíðunum í Tyrklandi fyrir félagið.

Að sögn þeirra félaga gekk reynslusiglingin vel. Ganghraðinn mældist mest 13,5 mílur og togátak var 46 tonn. Ef allt gengur að óskum ætti að vera hægt að sigla skipinu heim til Íslands í byrjun desember og það ætti því að vera komið til heimahafnar í Reykjavík um eða upp úr miðjum næsta mánuði.

 


Fleiri myndir með frétt

Nýjustu fréttir

Allar fréttir