FréttirSkrá á póstlista

11.02.2018

Óvissa framundan

Uppsjávarveiðiskipin Venus NS og Víkingur AK áttu bæði að koma til Vopnafjarðar með kolmunnaafla í gærkvöldi. Aflinn fékkst syðst í færeysku lögsögunni og að sögn Hilmars Kárasonar, 2. stýrimanns á Venusi, hafa aflabrögðin verið treg.


,,Kolmunninn er greinilega að ganga suður eftir til hrygningar og aflabrögðin eru nú mun betri í írsku lögsögunni en þeirri færeysku. Við vorum að fá um 150 tonna afla á sólarhring og Víkingur var með svipaðan afla. Reyndar var aflinn enn tregari síðasta sólarhringinn,” segir Hilmar en hann segir afla Venusar í veiðiferðinni vera um 650 tonn.


Venus átti að vera kominn til Vopnafjarðar um kvöldmatarleytið og Víkingur nokkru síðar. Hilmar segir óvissu ríkja um framhaldið.

Nýjustu fréttir

31.12.2018

Gleðilegt ár

24.12.2018

Gleðileg jól

Allar fréttir